Saturday, December 1, 2012

ביי די וואלן

וואלן. נישט די כוואליע סארט פון שטורמישן האריגאן, נאר פון "ברק" און "ראמני". אן אויסוואל צווישן צוויי מכות ווי ס'שיינט.
בלק ווייסן מיר זיכער האט גארנישט אויפגעטוען די לעצטע פאר יאר, כאטש ער'ט צוגעזאגט קליין געלט, והא ראי' אלע חסידים זענען נאך אויף עסן שטעמפלעך און חלק ח' מוז זיין אז ס'נישט דא י'אבס. ווייל מיר זענען דאך אמתע מענטשן, מיר פעלטשן נישט. ווי אויך זיינען נאך די כוללים אנגעפילט מיט באנק קוועטשערס.
די שאלה איז נאר אויב ר"ם על כל גוים איז עפעס בעסער. ער איז דאך א פרומער, אבער מאנכע האלטן אז קריסטן זענען ערגער ווי די וואס גלייבן לגמרי נישט אין גאט, אזוי ווי פיל ליבעראלע ליידער, זיינען מיר זעהר פארצווייפלט.
אויף דערווייל האב איך געשטימט פאר זיך אליין, ווייל דאס קאן זיכער נישט שאטן. העמער זעהן וואס וועט זיך אויסקאכן.
 
פיל קריגערישע קאפלס זענען געגאנגען זייט ביי זייט, ארויס צו די וואוטינג בודקעס. בין איך צוגעגאנגען צו איינע פון זיי, און געפרעגט, וואס גייט פאר, מ'זעהט אייך שוין די לעצטע פאר יאר נישט אין זעלבן הויז צוזאמען, וואס איז פשט פונעם פלוצים'דיגן פּאָרזאמען שפאציר? איר זעהט אויס ווי די פארן וואס גייען אין תיבה אריין, אין אזא טהורה'דיגן צושטאנד נאך אויך..?
זאגן זיי, ניין. בכלל נישט. חלילה וחס! מיר כאפן זיך פשוט צו צו יעדע געלעגנהייט אווי מיר קאנען זיך טענהן אויף פארקערט. מילא קלעטערן מיר אין די קעלט, אז איך זאל וועגן דעם וואגשאל אויף רעכטס און זי אויף לינקס.
ביי אונז באלאנסירט מען אלעס אויף אזא וועג אז אלעס בלייבט גענוי ווי עס איז געווען פריער. און אזוי קומען מיר זיך שוין דורך זייט אונזער חתונה, (יא מער געדאכט).
איך גיי אהיים, און איך וואונדער זיך פארוואס עס פאלט זיי נישט איין צו באלאנסירן דעם הרי את מיט מסכת גיטין.